Twagiye dushakisha insanganyamatsiko ku ishami mu buhanuzi bwo mu Isezerano rya Kera. Twabonye ko Yeremiya muri 600 mbere ya Yesu yakomeje iyo nsanganyamatsiko (Yesaya yatangiye imyaka 150 mbere ye) atangaza ko iri shami rizaba Umwami. Mbere twabonye ko Zakariya, yakurikije ibyo Yeremiya yahanuye ko iri shami rizitwa Yesu kandi ko yari kuzahuza inshingano z’ubwami n’ubutambyi – ikintu kitigeze kibaho mbere mu mateka ya Isiraheli.
Igisigo cya Daniyeli ku kuza k’uwasizwe
Noneho kuri Daniyeli. Yabaga mu buhungiro bwa Babiloni, aba umuyobozi ukomeye muri guverinoma ya Babiloni n’Ubuperesi – n’umuhanuzi w’umuyahudi.
Daniyeli yerekanwe mu ngengabihe hamwe n’abandi bahanuzi bo mu Isezerano rya Kera
Mu gitabo cye, Daniyeli yakiriye ubutumwa bukurikira:
21 ngikomeje gusenga umugabo Gaburiyeli nabonaga ngitangira kwerekwa aratumwa, maze aragaruka aza n’ingoga igihe cyo gutamba igitambo cya nimugoroba cyendaga kugera, ankoraho. 22Arambwira anyigisha ati “Daniyeli, ubu nzanywe no kungura ubwenge bwawe. 23Ugitangira kwinginga haje ijambo, kandi nzanywe no kurikubwira kuko ukundwa cyane. Nuko iryo jambo uritekereze cyane, umenye n’ibyo weretswe.24“Ibyumweru mirongo irindwi bitegekewe ubwoko bwawe n’umurwa wera, kugira ngo ibicumuro bicibwe n’ibyaha bishire, no gukiranirwa gutangirwe impongano haze gukiranuka kw’iteka, ibyerekanywe n’ibyahanuwe bifatanishwe ikimenyetso, ahera cyane hasigwe amavuta. 25Nuko ubimenye, ubyitegereze yuko uhereye igihe bazategekera kubaka i Yerusalemu bayisana kugeza kuri Mesiya Umutware hazabaho ibyumweru birindwi, maze habeho ibindi byumweru mirongo itandatu na bibiri bahubake basubizeho imiharuro n’impavu, ndetse bizakorwa mu bihe biruhije. 26Ibyo byumweru uko ari mirongo itandatu na bibiri nibishira Mesiya azakurwaho, kandi nta cyo azaba asigaranye. Maze abantu b’umutware uzaza bazarimbure umurwa n’ubuturo bwera, uwo iherezo rye rizaba nk’utembanywe n’umwuzure w’amazi, intambara n’ibyago bizarinda bigeza bitegetsweimperuka. Ni
koDaniyeli 9: 21 – 26a
Ubu ni ubuhanuzi bw’ ‘Uwasizwe’ (= Kristo = Mesiya ) hahanurwa igihe azazira. Byari gutangirana n’isezerano ryo ‘gusana no kubaka Yeruzalemu. Nubwo Daniyeli yahawe kandi yandika ubu butumwa (muri 537 mbere y’igihe cya Kristu ) ntabwo yari akiriho kugirango abone intangiriro yo gusohoza kwabyo.
Iteka ryo gusana Yeruzalemu
Ariko Nehemiya, hafi imyaka ijana nyuma ya Daniyeli, yabonye ibi bisohora. Yanditse mu gitabo cye ko
1Umunsi umwe wo mu kwezi kwitwa Nisani mu mwaka wa makumyabiri wo ku ngoma y’Umwami Aritazeruzi, vino yari iteretse imbere y’umwami, maze nenda vino nyihereza umwami. Kandi mbere hose sinagiraga umubabaro imbere ye. 2Umwami arambaza ati “Ni iki gitumye ugaragaza umubabaro kandi utarwaye? Ibyo ntibiterwa n’ikindi keretse umubabaro wo mu mutima.”Mbyumvise ndatinya cyane. 3 Umwami ndamusubiza nti “Umwami arakarama! Icyambuza kugaragaza umubabaro ni iki, ko umurwa n’ahantu h’ibituro bya ba sogokuruza habaye amatongo, n’amarembo yaho akaba yarahiye?”4Umwami arambaza ati “Hari icyo unsaba?”Nuko nsaba Imana nyir’ijuru, 5maze nsubiza umwami nti “Niba umwami abikunze kandi umugaragu wawe nkakugiraho ubuhake, unyohereze i Buyuda mu murwa urimo ibituro bya ba sogokuruza, mbone kuwubaka.”6Umwami yari yicaranye n’umwamikazi arambaza ati “Urugendo rwawe ruzaba urw’iminsi ingahe, kandi uzagaruka ryari?” Nuko umwami yemera ko ngenda dusezerana igihe.
Nehemiya 2: 1 – 6
9Maze ndagenda nsanga ibisonga byo hakurya y’uruzi mbaha inzandiko z’umwami, kandi umwami yari yantumanye n’abatware b’ingabo n’abagendera ku mafarashi. 10Bukeye Sanibalati w’Umuhoroni na Tobiya umugaragu w’Umwamoni babyumvise birabababaza cyane, yuko haje umuntu wazanywe no gushakira Abisirayeli ibyiza.11Nuko ngeze i Yerusalemu marayo gatatu
Nehemiya 2: 11
Ibi byanditswe mu isezerano ryo “gusana no kubaka Yeruzalemu” Daniyeli yari yarahanuye ariho kubara bizatangira. Byari mu mwaka wa 20 w’umwami w’abami w’Abaperesi Aritazerikisesi, uzwi cyane – mu mateka kuva yatangira ingoma ye muri 465 mbere y’igihe cya Kristu. Ari nabwo mu mwaka wa 20 wo gutegeka kwe iri teka mu mwaka wa 444 mbere y’igihe cya Kristu ryari gutangwa. Hafi imyaka ijana nyuma ya Daniyeli, Umwami w’abami w’Abaperesi yatanze itegeko rye, bitangirana no kubara byari kuzazana Kristo.
Karindwi ‘Zirindwi’ na mirongo itandatu na kabiri ‘Zirindwi
Ubuhanuzi bwa Daniel bwerekanye ko nyuma ya “Karindwi ‘zirindwi’ na mirongo itandatu na kabiri ‘zirindwi’ Kristo azamenyekana.
“Karindwi” ni iki?
Mu itegeko rya Mose hari igihe cy’imyaka irindwi aho ubutaka bwagombaga kurazwa bagasubika ubuhinzi buri mwaka wa karindwi. Byanditswe mu buryo bukurikira
2“Bwira Abisirayeli uti: Nimumara kugera mu gihugu nzabaha, icyo gihugu kizajye kiziriririza Uwiteka isabato. 3Uzajye ubiba mu murima wawe mu myaka itandatu, kandi mu myaka itandatu uzajye wanganya amahage y’imizabibu yawe, kandi abe ari mo usarura imyaka yabyo. 4Ariko umwaka wa karindwi uzajye uba isabato yo kuraza igihugu ihinga yo kuziriririzwa Uwiteka, ntukawubibemo ku murima wawe, ntukawanganyemo amahage y’imizabibu yawe.
Abalewi 25: 2 – 4
Imiterere y’amagambo ya Daniyeli iri mu ‘myaka’, nuko rero ‘karindwi’ bisobanura ibi bihe by’imyaka irindwi. Icyo gihe, karindwi ‘zirindwi’ na mirongo itandatu na kabiri ‘zirindwi’ byasobanurwa mu buryo bwa (7 + 62) * 7 = imyaka 483.
Umwaka w’ iminsi- 360
Tugomba gukora kalendari imwe nto yo kubihuza. Nkuko aba kera benshi babigenzaga, abahanuzi bakoresheje umwaka w’iminsi 360. Hariho uburyo butandukanye bwo gukurikirana ‘umwaka’ muri kalendari. Iya kijyambere (ishingiye kuri rugendo rw’izuba ) ni iminsi 365.24, iyab’Isilamu ni iminsi 354 ( ishingiye ku rugendo rw’ukwezi ). Daniyeli we yakoresheje iy’iminsi 360. Rero, imyaka 483, ‘y’iminsi 360 – ni 483 * 360 / 365.24 = imyaka 476 y’izuba.
Kuza kwa Kristo
Tugendeye kuri aya makuru ubu biroroshye kubara igihe Kristo yagombaga kuzira hakurikijwe ubuhanuzi bwa Daniyeli. Imyaka 483 y’iminsi 360 ku mwaka iraduha:
Imyaka 483 * iminsi 360 ku mwaka = iminsi 173 880
Muri kalendari yacu ya none ibi byaduha imyaka 476 y’izuba hakaba hasigaye iminsi 25.
(173 880/365.24219879 = 476 hagasigara 25).
Umwami Aritazerikisesi yategetse gusana Yeruzalemu:
Mu kwezi kwa Nisani mu mwaka wa makumyabiri…
Nehemiya 2: 1
Nisani ya 1 iri mu bitekerezo kuva yatangira umwaka mushya w’Abayahudi n’Ubuperesi, bigaragaza impamvu Umwami yavuganye na Nehemiya mu birori. Nisani ya 1 yari kandi kuba itangiriro ry’ukwezi gushya kuva bakoresha amezi y’ukwezi. Hagendewe ku iteganyabihe rigezweho tuzi ko igihe ukwezi gushya kuranga Nisani ya 1, muri 444 mbere ya Yesu ariho kwabaye. Ibarwa ry’inyenyeri rishyira ukwezi kwa Nisan ya 1 y’umwaka wa 20 w’umwami w’abami w’Abaperesi Aritazerikisesi saa kumi za mugitondo ku ya Werurwe 4, 444 mbere ya Yesu muri kalendari igezweho.
… ku munsi wa Mashami Ku cyumweru
Ongeraho imyaka 476 y’igihe cya Daniyeli cyahanuwe kuri iyi tariki itugeza muri Werurwe 4, 33 ku gihe cya Krisitu, nkuko byasobanuwe haruguru. Ongeraho iminsi 25 isigaye y’igihe Daniyeli yahanuwe kugeza Werurwe 4, 33 mu gihe cya Krisitu, iduha 29 Werurwe 33 mu gihe cya Krisitu. Ku ya 29 Werurwe 33 nyuma ya Yesu, yari Ku cyumweru cy’imikindo – umunsi Yesu yinjiye i Yeruzalemu ku ndogobe, avuga ko ari Kristo.
| Tangira – Iteka ryatanzwe | Werurwe 4, 444 mbere y’igihe cya Krisitu |
| Ongeraho imyaka y’izuba (- 444 + 476 + 1) | Werurwe 4, 33 mu gihe cya Krisitu |
| Ongeraho iminsi 25 isigaye y’ ‘indwi’ | Werurwe 4 + 25 = 29 Werurwe, 33 mu gihe cya Krisitu |
| Ku ya 29 Werurwe 33 mu gihe cya Krisitu | Ku cyumweru, Kwinjira kwa Yesu i Yeruzalemu |
Yesu yinjiye i Yeruzalemu ku ya 29 Werurwe 33 mu gihe cya Krisitu, ashyirwa ku ndogobe, Yesu yasohoje ubuhanuzi bwa Zakariya n’ubuhanuzi bwa Daniyeli – kugeza no ku munsi.
Impanda y’intsinzi yo kwinjira kwa Yesu – Uwo munsi
Icyi ni icyumweru cya mashami, umunsi nyine twibuka ko Yesu yinjiye muri Yeruzalemu. Dukurikije ibyo twabonye hejuru tugakoresha imibare y’ibanze, dusanga igisigo cya Daniyeli cya karindwi bitugeza neza kuri uyu munsi. Uyu niwo munsi Yesu yerekanwe nk’Umwami cyangwa Kristo mu gihugu cy’Abayahudi. Ibi turabizi kuko Zakariya (wari wahanuye izina rya Kristo) nawe yari yaranditse ati:
Nezerwa cyane wa mukobwa w’i Siyoni we, rangurura wa mukobwa w’i Yerusalemu we, dore umwami wawe aje aho uri. Ni we mukiranutsi kandi azanye agakiza, yicishije bugufi agendera ku ndogobe, ndetse no ku cyana cyayo.
Zakariya 9: 9
Umwami wari utegerejwe kuva kera azahishurwa ajya i Yeruzalemu ku ndogobe hamwe n’imbaga yitabiriye ibirori ivuza impundu yishimye. Ku munsi w’impanda y’ibyishimo byo kwinjira kwa Yesu i Yeruzalemu – uwo munsi nyine wahanuwe na Daniyeli mu gisigo cye cy ‘karindwi’ – Yesu yagiye i Yeruzalemu ku ndogobe. Luka yarabyanditse:
41Ageze hafi abona umurwa arawuririra ati 42“Uyu munsi nawe, iyo umenya ibyaguhesha amahoro! Ariko noneho bihishwe amaso yawe. 43Kuko iminsi izaza, ubwo abanzi bawe bazakubakaho uruzitiro. Bazakugota, bazakurinda cyane impande zose, 44kandi bazagutsembana n’abana bawe batuye muri wowe. Ntibazagusigira ibuye rigeretse ku rindi, kuko utamenye igihe wagenderewe.
Luke 19: 41 – 44
Yesu yarijijwe nuko abantu batari bazi umunsi nyine wahanuwe na Zakariya na Daniyeli. Ariko kubera ko batigeze bamenya uyu munsi ko Kristo yahishuwe, ikintu gitunguranye rwose cyari kuba. Daniyeli, muri icyo gice kimwe aho yatanze igisigo cya ‘indwi’, yahanuye ko:
26Ibyo byumweru uko ari mirongo itandatu na bibiri nibishira Mesiya azakurwaho, kandi nta cyo azaba asigaranye. Maze abantu b’umutware uzaza bazarimbure umurwa n’ubuturo bwera, uwo iherezo rye rizaba nk’utembanywe n’umwuzure w’amazi, intambara n’ibyago bizarinda bigeza imperuka. Ni ko bitegetswe. 27 Uwo mutware azasezerana na benshi isezerano rikomeye, rimare icyumweru kimwe. Nikigera hagati azabuzanya ibitambo n’amaturo, umurimbuzi azaza ku ibaba ry’ibizira, maze kugeza ku mperuka yategetswe uburakari buzasandazwa kuri uwo murimbuzi.”
Daniyeli 9: 26 – 27
Iyo afata intebe y’ubwami, Kristo yari ‘gukurwaho’ kandi ntakintu yari gusigarana. Mu gukoresha iyi nteruro ‘gukurwaho’ (Bibiliya zimwe zisemura gusa ‘kuzapfa’) Daniyeli yashingiraga ku ‘Ishami’, riva ku gisekuru cya Yese, ryahanuwe mbere na Yesaya, rigaobanurwa na Yeremiya, izina ryahanuwe na Zekariya ryongera kandi gihishurirwa Daniyeli na Zakariya. Iri shami ryari ‘gukurwaho’. Nyuma umujyi wa ( Yerusalemu ) wari gusenywa ( byabaye muri 70 nyuma ya Krisitu ). Ariko ni gute iri shami ryari ‘gukurwaho? Tuzabigarukaho ubutaha kuri Yesaya kugirango turebe ibisobanuro bifatika.